Իրանի դեմ հարձակումը դեռ չի ավարտվել․ Նեթանյահու
- 2 hours ago
- 1 min read
Իսրայելի վարչապետ Բենիամին Նեթանյահուն նախազգուշացրել է, որ Իրանի դեմ ռազմական հարձակումը «դեռ չի ավարտվել»՝ հայտարարելով, որ այդ գործողությունը «նսեմացնում է» Իրանի հոգևոր ղեկավարությանը։ Այս մասին հայտնում է AFP-ն։
«Մենք ձգտում ենք ստիպել իրանցի ժողովրդին թոթափել բռնապետության լուծը։ Ի վերջո, դա կախված է հենց իրենից։ Սակայն կասկած չկա, որ մինչ օրս ձեռնարկված գործողություններով մենք ջարդում ենք նրանց ոսկորները, և մենք դեռ չենք ավարտել դա», — երեքշաբթի տարածված հայտարարության համաձայն՝ երկուշաբթի երեկոյան Առողջապահության կառավարման ազգային կենտրոն այցելության ժամանակ ասել է Նեթանյահուն։
Հիշեցնենք, որ ԱՄՆ-ն և Իսրայելը փետրվարի 28-ից սկսած հարվածներ են հասցնում Իրանի տարածքին, ինչը հանգեցրել է ավերածությունների և մարդկային զոհերի: Ի պատասխան՝ Իրանը հրթիռային հարվածներ է հասցնում Իսրայելին և տարածաշրջանում ԱՄՆ-ի ռազմաբազաներին: Իսրայելի և ԱՄՆ-ի հարձակման ժամանակ սպանվել են նաև Իրանի հոգևոր առաջնորդ այաթոլլա Ալի Սեյեդ Խամենեին և երկրի այլ բարձրաստիճան պաշտոնյաներ:
Մարտի 2-ին Իսրայելի դեմ պատերազմի մեջ է մտել նաև «Հեզբոլլահ» շարժումը: Իսրայելը հայտնել է շարժման դեմ հարձակողական գործողության մեկնարկի մասին:
