Արգիշտի Մեխակյանը հրաժեշտ է տվել գործընկերներին, վստահեցրել՝ նոր պաշտոնում ևս կշարունակի ծառայել ՀՀ զարգացմանը
- Investigative journalist
- Jul 11
- 1 min read
Հուլիսի 11-ին Արմավիրի մարզպետ Արգիշտի Մեխակյանը հրաժեշտ է տվել մարզպետի աշխատակազմի գործընկերներին նոր պաշտոնում իր առաքելությունը շարունակելու նախաշեմին։
Այս մասին հայտնել են Արմավիրի մարզպետարանից:
«Նա շնորհակալություն հայտնեց թիմին համատեղ անցած ճանապարհի, նվիրվածության և արդյունավետ աշխատանքի համար՝ հատկապես ընդգծելով փոխադարձ վստահության ու միասնականության մեծ նշանակությունը մարզում իրականացված փոփոխությունների և հաջողությունների գործում։
Իր խոսքում նշեց, որ անկեղծ երախտագիտություն է հայտնում յուրաքանչյուրին՝ ունեցած ներդրման, պրոֆեսիոնալիզմի և հոգատար վերաբերմունքի համար՝ ցանկանալով հաջողություններ, նոր ձեռքբերումներ և անդադար առաջընթաց աշխատանքային գործունեության մեջ։
Վերջում Արգիշտի Մեխակյանը վստահեցրեց, որ նոր պաշտոնում ևս շարունակելու է ծառայել Հայաստանի զարգացմանն ու հանրային արժեքների առաջմղմանը»,- ասվում է հաղորդագրության մեջ։
