Հիպերտոնիան կամ առիթմիան պայմանավորված են սկլերոզի սաստկացման բարձր ռիսկով

Շվեդիայի Կարոլինսկայի ինստիտուտին առընթեր բնապահպանական բժշկության ինստիտուտի գիտնականները պարզել են, որ սրտանոթային հիվանդությունները կարող են մեծացնել շարժիչ նեյրոնի հիվանդությունների (MND) սաստկացման ռիսկը, մասնավորապես՝ ամիոտրոֆիկ կողային սկլերոզը (ALS): Հետազոտության արդյունքները հրապարակվել են The Lancet Regional Health- Europe գօիտական հանդեսում:

Հետազոտությունը վերլուծել է 2015-2023 թվականներին շարժիչ նեյրոնի հիվանդություններից տառապող 1463 հիվանդների տվյալները: Դրանք համեմատվել են գրեթե 7300 առողջ մարդկանց և նրանց ավելի քան 3200 հարազատների մասին տեղեկությունների հետ:

Օգտագործելով առաջադեմ վիճակագրական եղանակներ՝ գիտնականները հայտնաբերել են ամիոտրոֆիկ կողային սկլերոզով հիվանդների երկու խումբ: Մի խումբ ուներ ավելի մեծ տարիք, ախտորոշման ժամանակ ավելի ցածր ֆունկցիոնալ կարգավիճակ և սրտանոթային հիվանդությունների հաճախականության աճ: Դա ուղեկցվում էր հիվանդության ավելի արագ սաստկացմամբ և մահացության բարձր մակարդակով: Երկրորդ խմբում ընդգրկված էին արյան մեջ բարձր խոլեստերինի բարձր մակարդակով և շաքարային դիաբետով մարդիկ:

Արդյունքները ցույց են տվել, որ ամիոտրոֆիկ կողային սկլերոզի սաստկացումից մի քանի տարի առաջ 2-րդ տիպի շաքարախտի կամ հիպերխոլեստերինեմիայի ախտորոշումը պայմանավորված է հիվանդության ավելի ցածր ռիսկով: Սակայն ախտորոշումից առաջ վերջին տարում այդ վիճակն ավելի շատ հանդիպում էր ամիոտրոֆիկ կողային սկլերոզովով հիվանդների շրջանում:

Բացի դրանից, հետազոտությունը ցույց է տվել, որ սիրտ-անոթային հիվանդությունների (օրինակ՝ սրտի անբավարարություն, հիպերտոնիա կամ առիթմիա) պատմություն ունեցող ամիոտրոֆիկ կողային սկլերոզով հիվանդների կանխատեսումը զգալիորեն ավելի վատ է եղել: Այս հիվանդների շրջանոմ ախտորոշվելուց հետո ֆունկցիոնալ կարողությունների ավելի արագ անկում և մահացության ռիսկի բարձրացում է գրանցվել: