Նոր Զելանդիայում հորդառատ անձրևները հեղեղումներ են առաջացրել
- Nov 20, 2022
- 1 min read
Հորդառատ անձևրևները հեղեղումներ են առաջացրել Նոր Զելանդիայի Հարավային կղզու հյուսիսարևմտյան ափին գտնվող Բուլեր շրջանի մի քանի քաղաքներում։ Ինչպես հինգշաբթի տեղեկացրել են շրջանի արտակարգ իրավիճակների վարչությունում, Սեդոնվիլ, Մոկիհինուի և Վեսթպորտ քաղաքների բնակիչներին տարհանում են. փոխանցել է TASS-ը։
«Ըստ կանխատեսումների՝ Վեսթպորտի մեծ մասը գիշերը կհայտնվի հեղեղման գոտում, և մենք բնակիչներին պարտադիր տարհանում ենք», - նշված է գերատեսչության հայտարարությունում, որը հրապարակվել է նրա ֆեյսբուքյան էջում։ Նշվում է նաև, որ մասամբ հեղեղվել են ցածրադիր Սեդոնվիլ և Մոկիհինուի քաղաքները։ Դրանց բնակիչները տարհանվել և տեղավորվել են հատուկ կենտրոններում, որոնք հարմարեցվել են շրջանային վարչությունների շենքերում։
