Չինաստանում վթար է տեղի ունեցել ջրվեժի մոտ գտնվող զվարճանքի վայրում. 1 մարդ զոհվել է, 60 մարդ վիրավորվել
- Investigative journalist
- Aug 11, 2024
- 1 min read
Չինաստանի հարավում գտնվող Գուանսի Չժուան ինքնավար մարզում խափանվել է Դեթյանի ջրվեժը դիտող զբոսաշրջիկների համար նախատեսված շարժասանդուղքը, ինչի հետևանքով զոհվել է 1 մարդ, ևս 60 մարդ վիրավորվել է, հայտնում է Xinhua-ն՝ վկայակոչելով Չունցզո քաղաքի իշխանություններին։
Վթարը տեղի է ունեցել տեղական ժամանակով 13:56-ին, բոլոր տուժածներն անմիջապես տեղափոխվել են հիվանդանոց։ Տուժածներից մեկի վիճակը ծանր է, մյուսները թեթև վնասվածքներ են ստացել։
Դեպքից հետո շարժասանդուղքը, որն անվանում էին «Կախարդական գորգ», դադարել է գործել։ Անսարքության պատճառները հետաքննվում են։
