Բլինքենն ուղևորվելու է Մերձավոր Արևելք
- Investigative journalist
- Apr 28, 2024
- 1 min read
Ամերիկայի Միացյալ Նահանգների պետքարտուղար Էնթոնի Բլինքենը հաջորդ շաբաթ կայցելի Մերձավոր Արևելք։
Սա կլինի նրա յոթերորդ դիվանագիտական առաքելությունը տարածաշրջանում ՀԱՄԱՍ-ի դեմ Իսրայելի ակտիվ ռազմական արշավի մեկնարկից ի վեր:
Այս մասին հայտնում է Associated Press գործակալությունը՝ նշելով, որ թեև պետդեպարտամենտը չունի պաշտոնական հրապարակում այցի վերաբերյալ, սակայն Իսրայելի արտաքին գործերի նախարարության ներկայացուցիչը խոսել է նման այցի պլանների մասին։
Ըստ պաշտոնյայի՝ Բլինքենը Իսրայել կայցելի երեքշաբթի, իսկ թե որ քաղաքում է կանգ առնելու ԱՄՆ պետքարտուղարը, չի նշվում։
Բլինքենը երկուշաբթի կայցելի Սաուդյան Արաբիա՝ Մերձավոր Արևելք առաքելության ընթացքում, հայտնել է Պետդեպարտամենտը։ Ուղևորությունը տեղի է ունենում Չինաստան կատարած այցից հետո Վաշինգտոն վերադառնալուց ընդամենը երկու օր անց:
Բլինքենը կմասնակցի Համաշխարհային տնտեսական ֆորումի համաժողովին և կհանդիպի արաբական երկրների արտգործնախարարների հետ Սաուդյան Արաբիայի մայրաքաղաք Ռիադում:
