Ոսկու ու արծաթի հետ թանկացել են նաև մեդալները

Փարիզի օլիմպիական խաղերը աստիճանաբար մտնում են հունի մեջ: Մրցումների ծրագրում ընդգրկված  32 մարզաձևերում  խաղարկվող  մեդալների 329 հավաքածուի քանակը  սկսել է օրավուր նվազել,-հայտնում է ՀԱՕԿ-ը:

Երկօրյա մրցումների արդյունքով խաղերի մասնակից 206 երկրներից 28 –ի հաշվին արդեն մեդալներ գրանցվել են:

Առաջին տասնյակում են հաջորդաբար՝  Ճապոնիա – 7  մեդալ / 4 ոսկե,  2 արծաթե, 1 բրոնզե /, Ավստրալիա – 6 / 4, 2 0 /, ԱՄՆ – 12 / 3, 6, 3 /, Ֆրանսիա – 8 / 3, 3, 2 /, Հարավային Կորեա – 6 / 3, 2 , 1 /, Չինաստան – 6 / 3, 1, 2 /, Իտալիա – 6 / 1, 2, 3 /, Ղազախստան – 3 / 1, 0, 2 /, Բելգիա – 2 / 1, 0, 1 / և Գերմանիա – 1 / 1, 0 , 0 /:

Փարիզի Օլիմպիական խաղերում առաջին և երկրորդ տեղերի համար մարզիկներին շնորհվող մեդալների արժեքը Տոկիոյի խաղերի համեմատ աճել է։ Ոսկե մեդալը մոտենում է  հազար դոլարի նշագծին, հաղորդում է դանիական Saxo Group-ը՝ վկայակոչելով սեփական հաշվարկները։

Արժեքի առավել աճը նկատվում է ոսկե մեդալների դեպքում.  Տոկիոյի խաղերում  եղած 763 դոլարից  այժմ հասել է 935 -ի։ Արծաթե մրցանակները ՝ 415 –ից հասել է 473 –ի: Իսկ ահա  բրոնզե մեդալները  էժանացել են ու  4,1 դոլարից իջել են մինչև 3,9 -ի։