Իրանցուն և ռումինուհուն մեղադրանք է առաջադրվել Շոտլանդիայում ՌԾՈւ բազա ներթափանցելու փորձի համար․ The Guardian
- 2 hours ago
- 1 min read
Միացյալ Թագավորությունում երկու հոգու (որոնցից մեկը իրանցի է) դեմ մեղադրանք է առաջադրվել այն բանից հետո, երբ նրանք, ըստ նախնական տվյալների, փորձել են ներխուժել Շոտլանդիայի ռազմածովային այն բազան, որտեղ տեղակայված են բրիտանական «Տրայդենտ» ատոմային սուզանավերը: Այս մասին հայտնում է The Guardian-ը:
34-ամյա տղամարդուն և 31-ամյա կնոջը մեղադրանք է առաջադրվել Նորին Մեծության «Կլայդ» ռազմածովային բազայում (որը հայտնի է որպես Ֆասլեյն) տեղի ունեցած միջադեպից հետո:
Շոտլանդիայի ոստիկանությունը հայտնել է, որ հետաքննությունը շարունակվում է, և ձերբակալվածները երկուշաբթի օրը պետք է կանգնեն Դամբարտոնի շերիֆի դատարանի առաջ:
«2026 թվականի մարտի 19-ին՝ հինգշաբթի, ժամը 17:00-ի սահմաններում, մեզ հայտնի դարձավ երկու անձանց մասին, ովքեր փորձել են ներխուժել Նորին Մեծության «Կլայդ» ռազմածովային բազա: 34-ամյա իրանցին և 31-ամյա ռումինուհին ձերբակալվել և մեղադրվել են միջադեպի առնչությամբ»,- հայտնել են ոստիկանությունից:
