Բելգիան մտադիր է Արկտիկայում «վահան» ստեղծել Գրենլանդիան Ռուսաստանից և Չինաստանից պաշտպանելու համար

Բելգիան կհամագործակցի Արկտիկայում յուրօրինակ «պաշտպանական վահան» ստեղծելու հարցում՝ Գրենլանդիան Չինաստանից և Ռուսաստանից ավելի լավ պաշտպանելու համար, հայտարարել է երկրի պաշտպանության նախարար Թեո Ֆրանկենը, հայտնում է HLN-ը։

Ֆրանկենը նշել է, որ «միանշանակ մտահոգված է» Գրենլանդիան ռազմական ճանապարհով բռնակցելու մասին ԱՄՆ նախագահ Դոնալդ Թրամփի հայտարարություններով, սակայն հասկանում է անվտանգության վերաբերյալ ամերիկյան առաջնորդի մտահոգությունները։

«Եկեք միասին աշխատենք, քանի որ հիմա միակ հաղթողը Պուտինն է, որը Մոսկվայում շամպայն է խմում»,- ասել է Բելգիայի պաշտպանության նախարարը։

Ըստ Ֆրանկենի, ինքը պատասխան է ստացել, որ ԱՄՆ-ն չի ցանկանում նվաճել Գրենլանդիան, այլ ավելի շուտ ցանկանում է գնել այն։

Սակայն, ինչպես նշել է նախարարը, պարտադիր չէ, որ բանը դրան հասնի։ Նա ելքը տեսնում է Գրենլանդիայում և դրա շուրջ ՆԱՏՕ-ի ներկայության ուժեղացման մեջ։

Նրա կարծիքով, դա Ռուսաստանին և Չինաստանին հստակ հասկացնել կտա, որ Գրենլանդիան ՆԱՏՕ-ի մաս է։

«Հիմա հարցն այն է, թե արդյո՞ք մեզ պետք է յուրօրինակ «Արկտիկական պահպանություն»՝ գործողություն Արկտիկայում, որի շրջանակում Չինաստանին ու Ռուսաստանին հասկացնել կտանք՝ մի՛ եկեք այստեղ։ Սա ՆԱՏՕ-ի տարածքն է, սա մեր տարածքն է»,- նշել է նա։