Նավալնիի մարմինը հարազատներին հանձնելու հարցով Կրեմլը չի զբաղվում, դա մեր գործառույթը չէ. Պեսկով
- Investigative journalist
- Feb 19, 2024
- 1 min read
Ալեքսեյ Նավալնիի դին հարզատներին հանձնելու հարցը չի մտնում ՌԴ նախագահի աշխատակազմի իրավասության մեջ, նրա մահվան հետաքննության համար անհրաժեշտ գործողություններ են իրականացվում լիազոր մարմինների կողմից։
Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Դիակի հարցը մեզ համար չէ։ Մենք այս գործով չենք զբաղվում։ Սա նախագահի վարչակազմի գործառույթը չէ»,- լրագրողներին ասել է Պեսկովը:
Պեսկովը միաժամանակ Նավալնիի մահվան մեջ Կրեմլի մասնակցության մասին արևմտյան առաջնորդների հայտարարություններն անվանել է անկեղծորեն տաղտկալի:
Նշենք, որ ավելի քան 50 հազար մարդ պահանջում է Յամալ-Նենեցյան ինքնավար օկրուգի գաղութներից մեկում մահացած ռուս ընդդիմադիր գործիչ Ալեքսեյ Նավալնիի դին հանձնել հարազատներին։
Ավելի վաղ հայտնել էինք, որ փետրվարի 16-ին Յամալո-Նենեց ինքնավար օկրուգի թիվ 3 ուղղիչ գաղութում մահացել է քաղաքական գործիչ Ալեքսեյ Նավալնին:
