Էրդողանը պետք է հասկանա, որ Ռուսաստանի հետ բանակցությունների համար միայն Թուրքիան բավարար չէ. Զելենսկի
- Investigative journalist
- Apr 7, 2024
- 1 min read
Թուրքիայի նախագահ Ռեջեփ Թայիփ Էրդողանը պետք է հասկանա, որ իր երկիրը բավարար չի լինի Ուկրաինայի և Ռուսաստանի միջև բանակցություններ վարելու համար։ Այս մասին Ուկրաինայի նախագահ Վլադիմիր Զելենսկին հայտարարել է հարցազրույցում, փոխանցում է РБК-Украина-ն։
«Թուրքիան մեզ օգնեց բանտարկյալների հարցում։ Դա փաստ է։ Նրանք ցանկանում են միջնորդ լինել։ Բայց նախագահ Էրդողանը պետք է իմանա, որ միայն Թուրքիան որպես միջնորդ մեզ բավարար չէ։ Մեզ համար ավելի լավ է խաղաղության գագաթնաժողովի ձևաչափը։ Չեմ կարծում, որ Թուրքիան միայնակ կկարողանա ճնշել Պուտինի քաղաքականությունը»,- ասել է Զելենսկին։
Նրա խոսքով, Թուրքիան կլինի այն երկրների ցանկում, որոնք կարող են միջնորդական առաքելություն իրականացնել։
«Այն ձևաչափը, որը մենք այսօր ծրագրում ենք ըստ բանաձևի, շատ բարդ է, քանի որ մենք պետք է համախմբենք շատ տարբեր երկրներ։ Հավաքել բոլորին, գտնել ձևաչափ, ինչպես առաջ գնալ, համաձայնեցնել դա: Սա այն երկիրն է, որը, կարծում եմ, կարող է գոնե փորձել ստիպել Ռուսաստանին խաղաղության գնալ»,- ասել է Ուկրաինայի նախագահը։
