Իմ կինը, «Հայփոստ»-ի պատմության մեջ, ամենացածր աշխատավարձ ստացողն է. Կոնջորյան

Իմ կինը, «Հայփոստ»-ի պատմության մեջ, ամենացածր աշխատավարձ ստացողն է: Այս մասին ասել է ԱԺ նախագահի տեղակալի թեկնածու Հայկ Կոնջորյանը՝ պատասխանելով «Հայաստան» խմբակցության պատգամավոր Ագնեսա Խամոյանի՝ կնոջ ստացած աշխատավարձի մասին հարցին:

Հիշեցնենք, որ ըստ Շուշան Ալեքսանյանի՝ Կոռուպցիայի կանխարգելման հանձնաժողով ներկայացրած հայտարարագրի՝ այս պաշտոնում Շուշան Ալեքսանյանի տարեկան աշխատավարձը գերազանցում է 118 հազար դոլարը, ըստ այդմ՝ իշխանական պատգամավորի կինը պետական ընկերությունից ամսական ստանում է ավելի քան 3.6 մլն դրամ կամ մոտ 10 հազար դոլար աշխատավարձ։ Սրան զուգահեռ՝ «Հայփոստ»-ի 2025 թվականի հաշվետվությունից պարզ է դառնում, որ ընկերության վիճակը որոշ ֆինանսական ուղղություններով անցած տարի վատթարացել է։