Իրանի պատվիրակությունը ժամանել է Շվեյցարիա ԱՄՆ-ի հետ բանակցությունների
- 3 hours ago
- 1 min read
Իրանի պատվիրակությունը ժամանել է Շվեյցարիա և ուղևորվել է Բյուրգենշտոկ՝ ԱՄՆ-ի հետ բանակցություններ վարելու։ Այդ մասին հայտարարել է Շվեյցարիայի արտաքին գործերի նախարարությունը։
«Մենք ողջունում ենք իրանական պատվիրակության ժամանումը Շվեյցարիա։ Իրանի պատվիրակությունը մեկնում է Բյուրգենշտոկ՝ ԱՄՆ-ի և Իրանի միջև ստորագրված փոխըմբռնման հուշագրի իրականացման շրջանակներում», - ասվում է արտաքին գործերի նախարարության կողմից սոցիալական ցանցերում հրապարակված հայտարարության մեջ։
Իրանի արտաքին գործերի նախարարության խոսնակ Իսմայիլ Բաղային մինչ այդ նշել էր, որ այցի ընթացքում բանակցային թիմը ճնշում կգործադրի մյուս կողմի վրա՝ կատարելու փոխըմբռնման հուշագրով ստանձնած իր պարտավորությունները։
Հունիսի 20-ին ԱՄՆ փոխնախագահ Ջ.Դ. Վենսը մեկնել է Շվեյցարիա՝ իրանական կողմի հետ բանակցություններ վարելու։ Մեկնելուց առաջ նա հայտարարել է, որ այնտեղ կմնա ընդամենը մեկ կամ երկու օր և հույս ունի առաջընթացի իրանական միջուկային հարցի և Լիբանանում հրադադարի հարցում։ Պակիստանի արտաքին գործերի նախարարությունը հունիսի 20-ին հայտարարել է, որ ԱՄՆ-ի և Իրանի միջև տեխնիկական բանակցություններ կանցկացվեն հունիսի 21-ին Շվեյցարիայի Բյուրգենշտոկ քաղաքում։ Պակիստանը և Կատարը կհանդիսանան միջնորդներ այդ բանակցություններում։
