Սահմանափակումներ ՌԴ օդանավակայաններում․, խոցված անօդաչուներ․ իրավիճակը՝ երկրում

Ռուսաստանի պաշտպանության նախարարությունը հինգշաբթի օրը հայտնել է, որ ՀՕՊ ուժերը գիշերը Ռուսաստանի շրջանների վրա որսացել և ոչնչացրել են ուկրաինական 36 անօդաչու թռչող սարք։

«Անցած գիշերը՝ մայիսի 13-ին, Մոսկվայի ժամանակով ժամը 21:00-ից մինչև մայիսի 14-ին, Մոսկվայի ժամանակով ժամը 07:00-ն, ՀՕՊ տագնապի համակարգերը որսացել և ոչնչացրել են ուկրաինական 36 անօդաչու թռչող սարք (ԱԹՍ) Բելգորոդի, Բրյանսկի, Վորոնեժի, Կալուգայի, Կուրսկի, Նովգորոդի, Ռոստովի, Սմոլենսկի, Տվերի, Տուլայի մարզերի, Մոսկվայի մարզի և Ղրիմի Հանրապետության վրայով», - հայտնել է Ռուսաստանի պաշտպանության նախարարությունը։

Կազանի օդանավակայանում ժամանակավոր սահմանափակումներ են մտցվել ինքնաթիռների ժամանման և մեկնման վերաբերյալ, հայտնել է Դաշնային օդային տրանսպորտի գործակալությունը (Ռոսավիացիա):

«Չեբոկսարիի օդանավակայան: Մտցվել են ինքնաթիռների ժամանման և մեկնման ժամանակավոր սահմանափակումներ: Այս սահմանափակումները անհրաժեշտ են թռիչքների անվտանգությունն ապահովելու համար», - ասվում է հայտարարության մեջ: