Փաստացի ՀԱՊԿ-ից դուրս եկած ենք․ Ալեն Սիմոնյան

Փաստացի ՀԱՊԿ-ից դուրս եկած ենք․ ինչ վերաբերում է մնացածին, դա էլ թողեք մեր քաղաքական նպատակահարմարության վրա։ Այս մասին լրագրողների հետ ճեպազրույցում ասել է ԱԺ նախագահ Ալեն Սիմոնյանը՝ անդրադառնալով ՀԱՊԿ-ի հետ հարաբերություններին և պատասխանելով  հարցին, թե ինչու դուրս չեն գալիս ՀԱՊԿ-ից։

«ՀԱՊԿ-ից դուրս գալը հակառուսականության մասի՞ն է խոսում: Եկեք վերանանք անուններից. եթե մի կազմակերպության ես անդամագրվում, օրինակ՝ ինչ-որ միության, ենթադրենք` Ժուռնալիստների միության, Մսավաճառների միության, և այդ կազմակրեպությունն իր պարտավորությունները չի կատարում, դու ուզում ես դուրս գալ դրանից, դու հակալրագրո՞ղ ես, չէ»,- ասել է ԱԺ նախագահը։