Իսրшյելը հшրվшծել է Սիրիային՝ դրпւզներին պաշտպանելու համար
Իսրայելական բանակը հարվածներ է հասցրել Սիրիայի կառավարական ուժերին հարավային Սիրիայի Սուվեյդա նահանգում, այն բանից հետո, երբ նախորդ օրը գերազանցապես դրուզներով բնակեցված քաղաքում բեդվին ցեղերի և տեղի զինյալների միջև բախումների հետևանքով զոհվել էր ավելի քան 30 մարդ։ Այդ մասին տեղեկացնում է «Արմենպրես»-ը՝ վկայակոչելով BBC-ին։
Իսրայելը պնդում է, որ գործում է դրուզ փոքրամասնությանը պաշտպանելու համար։ Սուեյդայում տեղի ունեցած բախումները կրոնական բռնության առաջին դեպքն են անցյալ տարվա դեկտեմբերին Բաշար ալ-Ասադի վարչակարգի տապալումից ի վեր։
«Իսրայելը հանձնառու է կանխել Սիրիայում դրուզներին վնաս հասցնելը՝ ելնելով Իսրայելում մեր դրուզ քաղաքացիների հետ խորը եղբայրական դաշինքի շահերից։ Մենք գործում ենք Սիրիայի հետ մեր սահմանին հարակից տարածքի ապառազմականացումն ապահովելու համար», - ասված է հայտարարության մեջ:
Դրուզների ազդեցիկ առաջնորդ շեյխ Հիքմաթ ալ-Հաջրին իր հերթին հայտարարություն է տարածել, որում մեղադրել է Սիրիայի կառավարական ուժերին հրադադարը խախտելու և քաղաքը ռմբակոծելու մեջ և կոչ է արել զինյալներին դիմակայել կառավարական ուժերին։
