Սպիտակ տուն. Իրանի հարձակումն Իսրայելի դեմ, հավանաբար, կտևի մի քանի ժամ

Իսրայելի դեմ իրանական ուժերի հարձակումը, ամենայն հավանականությամբ, կշարունակվի մի քանի ժամ։ Այս մասին հայտարարել է Սպիտակ տան Ազգային անվտանգության խորհրդի (ԱԱԽ) մամուլի ծառայության ղեկավար Ադրիեն Ուոթսոնը գրավոր հայտարարության մեջ՝ կապված Իրանի կողմից անօդաչու թռչող սարքերի արձակման հետ իր տարածքից Իսրայելի ուղղությամբ։

«Այս հարձակումը, ամենայն հավանականությամբ, կշարունակվի ժամերով: Նախագահ Ջո Բայդենը պարզաբանել է. Մեր աջակցությունը Իսրայելի անվտանգությանը անսասան է: Միացյալ Նահանգները կկանգնի Իսրայելի ժողովրդի կողքին և կաջակցի նրանց անվտանգությանը Իրանի կողմից եկող այս սպառնալիքների դեմ»: