Իտալիայում բացվել է Մարադոնայի արձանը (լուսանկարներ)

Իտալական Նեապոլ քաղաքում բացվել է լեգենդար արգենտինացի ֆուտբոլիստ Դիեգո Մարադոնայի արձանը. այդ մասին հայտում է ABS-CBN News-ը։

Նշվում է, որ արգենտինացին 1980-ականներին խաղացել է տեղի «Նապոլի» ակումբում։ Արձանի հեղինակը քանդակագործ Դոմենիկո Սեպեն է։

Արձանը ժամանակավորապես տեղադրվել է քաղաքային մարզադաշտի առջև, որն անցած տարի անվանափոխվել էր՝ ի պատիվ ֆուտբոլիստի։ Քաղաքային իշխանություններն առաջիկայում կորոշեն արձանի տեղակայման մշտական վայրը։

Արձանի բացումը նվիրված է հայտնի ֆուտբոլիստի մահվան առաջին տարելիցին։ Օրվա առիթով քաղաքում անցկացվել են հիշատակի արարողություններ, որոնք ավարտվել են կենտրոնական թաղամասերից մեկում ջահերի երթով։