Այսօր Ալմաթիում կհանդիպեն Հայաստանի եւ Ադրբեջանի ԱԳ նախարարները

Իսկ դրան նախորդել էր Ղազախստանի նախագահի այցը Հայաստան։ Երևանում Կասիմ-Ժոմարտ Տոկաևը հայտարարել էր, որ պատրաստ են կողմերին բանակցային հարթակ տրամադրել։

Ռուսաստանի ԱԳՆ-ն ողջունել է այս հանդիպումն անցկացնելու նախաձեռնությունը: Ղազախական կողմն իր հերթին հայտարարել է, որ Աստանան հանդես չի գալիս որպես միջնորդ, այլ միայն հարթակ է տրամադրում:

Միրզոյանն ու Բայրամովը վերջին անգամ բանակցել են փետրվարին՝ Բեռլինում։ Շոշափելի առաջընթացի մասին, սակայն, կողմերը չէին հաղորդել: