«Հույս ունենք, որ Հայաստանն ու Ադրբեջանը խաղաղության համաձայնագիրը կստորագրեն մոտ ապագայում». Վրաստանի նախագահ

Վրաստանը ողջունում է Հայաստանի և Ադրբեջանի միջև խաղաղության պայմանավորվածությունը։ Այս մասին հայտարարել է Վրաստանի նախագահ Միխաիլ Կավելաշվիլին ՀՀ արտաքին գործերի նախարար Արարատ Միրզոյանի հետ հանդիպմանը։

Նա հույս է հայտնել, որ երկու երկրները մոտ ապագայում կստորագրեն խաղաղության համաձայնագիրը։

Կավելաշվիլիի խոսքով՝ համաձայնագիրը Հարավային Կովկասում դրական զարգացման դինամիկան և տարածաշրջանի գրավչությունը կբարձրացնի որակապես նոր մակարդակի։

Վրաստանի նախագահը ընդգծել է, որ Վրաստանը աջակցում է Հարավային Կովկասում խաղաղության ու կայունության հաստատմանը և պատրաստ է իր ներդրումն ունենալ այս գործընթացում։