Զելենսկի. Կուրսկի մարզում արդեն 11 հազար հյուսիսկորեացի զինվոր կա

Ուկրաինայի նախագահ Վլադիմիր Զելենսկին, հղում անելով ուկրաինական հետախուզության տվյալներին, պնդում է, որ Կուրսկի շրջանում Ռուսաստանում արդեն 11 հազար զինվորական կա Հյուսիսային Կորեայից։

«Այսօր եղել է նաև առանձին զեկույց Գլխավոր հետախուզության վարչությունից և Արտաքին հետախուզության ծառայությունից՝ Ռուսաստանի տարածքում հյուսիսկորեացի զինվորականների վերաբերյալ։ Կուրսկի մարզում արդեն 11 հազար են: Մենք տեսնում ենք հյուսիսկորեացիների աճ և չենք տեսնում մեր գործընկերների արձագանքի աճ»,- Զելենսկու խոսքերն է մեջբերում Interfax-Ukraine-ը։

Ռուսաստանը չի հերքում ԿԺԴՀ-ի զինվորականներին Ռուսաստան ուղարկելը և չի մեկնաբանում Ուկրաինայի զինված ուժերի դեմ ռազմական գործողություններին նրանց ներգրավելու պլանների մասին լուրերը: Արեւմտյան երկրները Հյուսիսային Կորեայի զինվորականների ներգրավումը համարում են հակամարտության լուրջ սրացում։