Իրանը հրաժարվել է ԱՄՆ-ի հետ ուղիղ բանակցություններից
- Investigative journalist
- Mar 30
- 1 min read
Իրանն ԱՄՆ նախագահ Դոնալդ Թրամփին ուղղված պատասխան նամակում Վաշինգտոնին մերժել Է ուղիղ բանակցություններ վարել միջուկային ծրագրի շուրջ: Բանակցությունների պատուհանը բաց է միայն երրորդ երկրների միջնորդությամբ, հայտարարել է Իրանի նախագահ Մասուդ Փեզեշքիանը, փոխանցում է ՌԻԱ Նովոստին:
Հինգշաբթի Իրանի արտգործնախարար Աբբաս Արաղչին ասել էևր, որ Թեհրանը պատասխանել է Իրանի միջուկային ծրագրի վերաբերյալ ԱՄՆ նախագահի նամակին։
«Այս պատասխանում, թեև երկու երկրների միջև ուղղակի բանակցությունների հարցը մերժվեց, հայտարարվեց, որ անուղղակի բանակցությունների ճանապարհը բաց է, և ընդգծվեց, որ Իրանը երբեք չի խուսափել բանակցություններից, և միայն Վաշինգտոնի կողմից պարտավորությունների խախտումը խնդիրներ է առաջացրել այդ ճանապարհին։ Հենց ԱՄՆ-ի նման պահվածքը կորոշի բանակցությունների հետագա ուղին»,-իրանական IRNA գործակալությունը փոխանցում է Պեզեշքիանի խոսքը:
