Հիմա ինձ համար անհասկանալի մենամարտեր են տեղի ունենում․ Մախաչևը խոսել է Ծառուկյանի շուրջ ստեղծված իրավիճակի մասին

UFC-ի թեթև քաշային կարգի գործող չեմպիոն Իսլամ Մախաչևը մեկնաբանել է թեթև քաշային կարգում ստեղծված իրավիճակը, որտեղ ժամանակավոր տիտղոսի համար կմենամարտեն Փեդի Փիմբլեթը և Ջասթին Գեյջին։

«Թող կազմակերպությունը չնեղանա, բայց հիմա ինձ համար ավելի ու ավելի անհասկանալի մենամարտեր են տեղի ունենում։ Կարծում եմ՝ Արմանը պետք է մենամարտեր տիտղոսի համար։ Բայց Արմանը հիմա չի մենամարտի, կմենամարտեն Փիմբլեթն ու Գեյջին։ Ով էլ հաղթի նրանցից, կմենամարտի Իլյա Թոփուրիայի հետ։ Սա նշանակում է, որ Արմանը պետք է ևս մեկ տարի սպասի։

Իմ կարիերայում էլ էր այդպես։ Ես 10 մենամարտ անցկացրի, որպեսզի հասնեմ տիտղոսին՝ 10 հաղթական մենամարտ։ Արմանը, հավանաբար, պետք է մի փոքր սպասի, համբերի», — ասել է Մախաչևը Red Corner MMA YouTube ալիքին տված հարցազրույցում։

Հիշեցնենք, որ Փեդի Փիմբլեթը և Ջասթին Գեյջին կմենամարտեն UFC-ի թեթև քաշային կարգի ժամանակավոր գոտու համար UFC 324-ում, որը կկայանա ԱՄՆ-ի Լաս Վեգաս քաղաքում՝ 2026 թվականի հունվարի 25-ին։ Այնուհետև, ըստ UFC-ի նախագահ Դանա Ուայթի, մենամարտի հաղթողը կհանդիպի նույն քաշային կարգի գործող չեմպիոն Իլյա Թոփուրիայի հետ, որը անձնական խնդիրների պատճառով կարճատև դադար է վերցրել։