Այս հանդիպմանը շատ ավելի լավ ենք պատրաստված. Արզումանյանը՝ «Ուրարտու»-«Նեման» առաջիկա խաղի մասին

ՈւԵՖԱ Կոնֆերենցիաների լիգայի 2025/2026թթ․ խաղարկության որակավորման առաջին փուլի պատասխան խաղում «Ուրարտուն» Հունգարիայում կհյուրընկալվի բելառուսական «Նեմանին»։ 

Հանդիպումը կլինի հուլիսի 17-ին, Երևանի ժամանակով՝ 22։00-ին։

«Այս խաղին ավելի լավ ենք պատրաստվել, քան նախորդ խաղին։ Պատրաստվածության մակարդակը շարունակաբար բարելավվելու է, քանի որ սա գործընթաց է։ Մասնավորապես, նախորդ խաղի համեմատ այս անգամ ավելի շատ ժամանակ ենք ունեցել, հատկապես ընկերական խաղեր խաղալու առումով։ Երկու խաղ ենք անցկացրել և այս հանդիպմանը շատ ավելի լավ պատրաստված ենք։ Եկել ենք հաջորդ փուլ անցնելու համար»,- նշել է Արզումանյանը։