Վրաստանում արձանագրվել են «Օմիկրոն» շտամով վարակման դեպքեր

Վրաստանում «Օմիկրոն» շտամով վարակման երկու դեպք է գրանցվել. փոխանցում է 1tv.ge-ին։

«Երկու դեպքն էլ Վրաստանի քաղաքացիներ են, ովքեր ունեցել են ճանապարհորդության պատմություն ԱՄՆ և Մերձավոր Արևելք։ Երկուսն էլ մեկուսացված են, այժմ ընթանում է նրանց հետ շփում ունեցած 26 անձի ուսումնասիրությունը։ Մի դեպքում ունենք 10 կոնտակտ, երկրորդ դեպքում՝ 16։ Նրանցից 11-ը օտարերկրացիներ են, մնացածը՝ Վրաստանի քաղաքացիներ։ Նրանց համավարակաբանական հետազոտությունը շարունակվում է», - ասել է Գամղրելիձեն։

Հիշեցնենք, որ կորոնավիրուսի նոր շտամը, որը հայտնի է «omicron» անունով, սկզբում գրանցվել է Հարավային Աֆրիկայում, այնուհետև տարածվել այլ երկրներում։