«ՀՀ-ն ԵՄ-ի համար կարևոր գործընկեր է. լի ենք վճռականությամբ խորացնելու մեր հարաբերությունները Հայաստանի հետ». Ուրսուլա ֆոն դեր Լյայեն
- Investigative journalist
- Oct 3
- 1 min read
Հայաստանի վարչապետ Նիկոլ Փաշինյանի հետ ունեցել ենք շատ բովանդակալից մտքերի փոխանակում։ Այս մասին հայտնել է Եվրոպական հանձնաժողովի նախագահ Ուրսուլա ֆոն դեր Լյայենը:
Շնորհավորելով Հայաստանին Վաշինգտոնում Ադրբեջանի հետ հարաբերություններում նախագահ Թրամփի օգնությամբ ձեռք բերված նշանակալի առաջընթացի կապակցությամբ՝ նա նշել է. «Սա կարևոր քայլ է տարածաշրջանում խաղաղության և կայունության ուղղությամբ»։
Այնուհետև ԵՀ ղեկավարը ընդգծել է. «Մենք լի ենք վճռականությամբ խորացնելու մեր հարաբերությունները Հայաստանի՝ ԵՄ-ի համար կարևոր գործընկերոջ հետ»:
Նրա խոսքով՝ «Գլոբալ դարպաս» ռազմավարության միջոցով ԵՄ-ն կուժեղացնի տարածաշրջանային փոխադարձ կապը առևտրի, տրանսպորտի, էներգետիկայի և թվային տեխնոլոգիաների ոլորտներում։
«Մենք անհամբեր սպասում ենք Եվրոպական քաղաքական համագործակցության հաջորդ գագաթնաժողովին 2026 թվականի առաջին կեսին՝ Երևանում»,- եզրափակել է նա։
