Ռուսաստանը հիմնավորված է համարում Մինսկի խմբի լուծարումը․ Զախարովա
- Investigative journalist
- Sep 4
- 1 min read
Ռուսական կողմը արդարացված է համարում Եվրոպայի անվտանգության և համագործակցության կազմակերպության (ԵԱՀԿ) կողմից Ղարաբաղյան հակամարտության կարգավորման Մինսկի խումբը լուծարելու որոշումը: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ Արևելյան տնտեսական ֆորումի շրջանակներում կայացած ճեպազրույցի ժամանակ:
Զախարովան նշել է, որ Ռուսաստանի Դաշնությունը, ԵԱՀԿ մյուս անդամների հետ միասին, անմիջականորեն մասնակցել է այս որոշման կայացմանը՝ հիմնվելով կոնսենսուսի կանոնի վրա․ «Մենք այս քայլը համարում ենք հիմնավորված, արդարացված՝ հաշվի առնելով տարածաշրջանում իրավիճակի արմատական փոփոխությունները», -նշել է նա, ապա հիշեցրել․«Նախաձեռնությունը պատկանում է Հայաստանին և Ադրբեջանին։Այս պետությունների արտաքին գործերի նախարարները օգոստոսի 11-ին համապատասխան առաջարկով դիմել են ԵԱՀԿ-ին՝ հաստատելով, որ Բաքուն և Երևանը այլևս կարիք չունեն Մինսկի գործընթացի գործիքների»:
