Որքանո՞վ է վաճառվել Վան Գոգի թղթի վրա պատկերված նկարը

Վինսենթ Վան Գոգի (1853–1890) նկարը, նոյեմբերի 11-ին Նյու Յորքի Christie՚s աճուրդում վաճառվել է 35,9 միլիոն դոլարով: Ինչպես տեղեկացնում Է Regnum գործակալությունը՝ հղում անելով աճուրդի տանը, այն նախատեսվում էր վաճառել 20-30 մլն դոլարով, սակայն նախնական գինը գերազանցվել է մոտ 6 մլն-ով: Ըստ աղբյուրի՝ այդպիսով, այն դարձել է Վան Գոգի՝ թղթի վրա պատկերված ամենաթանկարժեք բնանկարը:

Խոսքը «Ցորենի դեզեր» նկարի մասին է, որը Վան Գոգը նկարել է 1888 թվականին Առլում (Ֆրանսիայի հարավ) գտնվելու ժամանակ, որը տևել Է մեկ տարուց ավելի: