Երբեմն որոշումների իրականացման փուլում մեկ էլ պարզում ենք, որ աբսուրդային իրավիճակներ կարող են լինել. Վարչապետ

Կառավարության այսօրվա նիստում վարչապետ Նիկոլ Փաշինյանը հայտարարեց՝ չի լինելու այնպես, որ իշխանության որոշումներին բոլորը պետք է ծափահարեն։

«Մեզ, երևի, պետք է բեմական գործունեությամբ զբաղվել, չնայած, դա էլ հեշտ չի, երբեմն այնտեղ էլ լոլիկներով ու ձվերով ընդունելու պրակտիկա է լինում»,- նշեց նա։

Նիկոլ Փաշինյանն ասաց, թե իդեալական որոշումներ չկան. եթե իդեալական որոշումներ լինեին՝ կառավարություն լինելու մեջ բարդություն չէր լինի։

«Երբեմն որոշումները, որ կայացնում ենք, իրականացման փուլում մեկ էլ պարզում ենք, որ ինչ-որ աբսուրդային իրավիճակներ կարող են լինել, որը խնդրահարույց է»,- ասաց նա։