Ռուսաստանն ու Վիետնամը հայտարարություն են ընդունել՝ հաստատակամ են բազմաբևեռ աշխարհակարգի ձևավորմանը նպաստելու գործում

ՌԴ նախագահ Վլադիմիր Պուտինի` Վիետնամ կատարած պետական ​​այցի  արդյունքներով երկու երկրները համատեղ հայտարարություն են տարածել, որում նշված է, որ Ռուսաստանը և Վիետնամը նպաստելու են արդար և կայուն բազմաբևեռ աշխարհակարգի ձևավորմանը։

«Ռուսաստանը և Վիետնամը հաստատում են իրենց պատրաստակամությունը՝ խթանելու առավել արդար և կայուն բազմաբևեռ աշխարհակարգ ստեղծելու օբյեկտիվ գործընթացը՝ հիմնված ՄԱԿ-ի կանոնադրության և միջազգային իրավունքի նորմերի և սկզբունքների վրա։

Կողմերը փաստում են համաշխարհային քաղաքական և տնտեսական լանդշաֆտի դինամիկ փոփոխությունները, գլոբալ հարավի պետությունների դիրքերի և իրական հնարավորությունների ամրապնդումը, ողջունում են միջազգային գործընթացների կառավարման գործում նրանց դերի բարձրացումը»,- նշված է հայտարարությունում։

Հայտարարության համաձայն՝ Մոսկվան և Հանոյը ելակետային են համարում հանգամանքը, որ բոլոր պետություններն իրավունք ունեն իրենց ազգային շահերին համապատասխան և ժողովրդի կամքից ելնելով ընտրել զարգացման սեփական մոդելը, քաղաքական, տնտեսական և սոցիալական համակարգը։