Իսրայելի բանակն այսօր որոշում կկայացնի Իրանի հարձակմանը պատասխան տալու մասին

Իսրայելի բանակը հայտարարել է, որ այսօր կառավարությունը որոշում կկայացնի Իրանի հարձակմանը պատասխան տալու մասին, գրում է Ynet իսրայելական պարբերականը։

Իսրայելի պաշտպանության բանակի ֆինանսների հարցերով նախկին խորհրդականն իր հերթին ասել է, որ իրանական հրթիռներն ու դրոնները որսալը Իսրայելին վրա կարող է 1,3 մլրդ դոլար արժենալ։

«Խոսքը մեկ գիշերվա ընթացքում պաշտպանության համար 4-5 միլիարդ շեկելի (1-1,3 մլրդ դոլար) մասին է»,– ասել է Իսրայելի պաշտպանության բանակի գլխավոր շտաբի ֆինանսների գծով նախկին խորհրդական, պահեստազորի բրիգադային գեներալ Ռամ Ամինախը:

Ամինախի խոսքով՝ հարձակումը հետ մղելու ինքնարժեքը Իսրայելի համար 10 անգամ ավելի մեծ է, քան դրա իրականացումն Իրանի համար։