Հրաձգություն ՌԴ Սարատովի մարզի Մարքս քաղաքում. մեկ մարդ է զոհվել, ձերբակալվել է 41-ամյա Ռուբիկ Հակոբյանը
- Investigative journalist
- Nov 24, 2024
- 1 min read
Ռուսաստանի Սարատովի մարզի Մարքս քաղաքում հրաձգություն է տեղի ունեցել ճանապարհային կոնֆլիկտի ժամանակ։ Վարորդը կրակել է երկու տղամարդու վրա, որոնք եղել են մեկ այլ մեքենայում, հայտնում է Коммерсант-ը։
Մեկը զոհվել է, մյուսը՝ վիրավորվել, հայտնում է Коммерсантъ-ը՝ Սարատովի մարզի քննչական կոմիտեին հղումով։ Կասկածյալը դեպքի վայրից դիմել է փախուստի։
Ինչպես հայտնում են Mash և Shot Telegram ալիքները, 41-ամյա Միխայիլ Կ.-ի սպանության կասկածանքով ձերբակալվել է 41-ամյա գործարար Ռուբիկ Հակոբյանը։
Մարզային քննչական կոմիտեն քրեական գործ է հարուցել՝ սպանության և սպանության փորձի փաստով:
«Նախնապես հաստատվել է, որ Հակոբյանը կարող էր սպանել վարորդին, ինչպես նաև վիրավորել ուղևորին և փախչել հանցագործության վայրից։ Համենայն դեպս, արտասահմանյան մակնիշի ավտոմեքենան, որի ճանապարհը երիտասարդները կտրել են Lada Oka-ով, պատկանում է 41-ամյա կասկածյալին»,- գրում են ռուսաստանյան լրատվամիջոցները։
Եթե հրաձգության ժամանակ վիրավորված տղամարդը նույնպես մահանա, ապա Հակոբյանը կարող է ցմահ ազատազրկման դատապարտվել։
