Ռուսաստանը սահմանափակում է Telegram-ին հասանելիությունը՝ փորձելով ստիպել քաղաքացիներին անցնել պետական վերահսկողության տակ գտնվող հավելվածի․ Դուրով

Ռուսաստանը սահմանափակում է Telegram-ին հասանելիությունը՝ փորձելով ստիպել իր քաղաքացիներին անցնել հսկողության և քաղաքական գրաքննության համար նախատեսված պետական ​​​​վերահսկողության տակ գտնվող հավելվածի։ Այս մասին գրել է Պավել Դուրովը։

«Ութ տարի առաջ Իրանը փորձեց նույն ռազմավարությունը և ձախողվեց։ Իրանը արգելեց Telegram-ը հորինված պատրվակներով՝ փորձելով ստիպել մարդկանց անցնել պետական ​​​​այլընտրանքի։

Չնայած արգելքին, իրանցիների մեծ մասը դեռևս օգտագործում է Telegram-ը (շրջանցելով գրաքննությունը) և նախընտրում է այն հսկողության ենթակա հավելվածներից։

Քաղաքացիների ազատության սահմանափակումը երբեք ճիշտ լուծում չէ։ Telegram-ը պաշտպանում է խոսքի ազատությունը և գաղտնիությունը՝ չնայած ցանկացած ճնշման», - հայտարարել է նա։