Ո՞վ է պատասխան տալու. Գագիկ Ծառուկյանը գոհ չէ ծանրամարտի հավաքականի գրանցած արդյունքից

«Բարգավաճ Հայաստան» կուսակցության ղեկավար, ՀԱՕԿ նախագահ Գագիկ Ծառուկյանը հանդիպել է ծանրամարտի աշխարհի առաջնությունից վերադարձած Հայաստանի հավաքականի մարզչական կազմի հետ:

Հանդիպմանը քննարկվել են մրցաշարի ժամանակ առաջ եկած խոչընդոտները, ինչպես նաև խնդիր է դրվել հավաքականի գլխավոր մարզչի առջև վերանայել մարզումների գործընթացն ու բարելավել ծանրորդների հետ անհատական աշխատանքը:

«Հայկական ծանրամարտը միշտ էլ եղել է բարձունքում, մենք միշտ կարողացել ենք հաղթահարել բարձր նշաձող և ոչ մի դեպքում չպետք է թուլացնենք մեր դիրքերը», - նշել է ՀԱՕԿ նախագահը։

Նրա խոսքով՝ մեղավորները պետք է պատասխան տան։

«Այսօր պետք է քննարկենք, թե ով է մեղավոր, ով է պատասխան տալու։ Մենք ուզում ենք արդյունք ունենանք», - նշել է ՀԱՕԿ նախագահը։

Ծառուկյանը մարզիչներին կարգադրել է ավելի խիստ լինել մարզիկների նկատմամբ։