Իրանի և Թուրքիայի նախագահները քննարկել են Հարավային Կովկասում ստեղծված իրավիճակը
Sep 2, 2025
1 min read
ՇՀԿ գագաթնաժողովի շրջանակներում Իրանի և Թուրքիայի նախագահներ Փեզեշքիանն ու Էրդողանը քննարկել են Հարավային Կովկասում ստեղծված իրավիճակը։
«Մեհր» գործակալության փոխանցմամբ՝ Իրանի նախագահը հայտարարել է, որ Թեհրանն աջակցում է Բաքվի և Երևանի միջև ձեռք բերված պայմանավորվածություններին, որոնք ուղղված են տարածաշրջանում կայունության ամրապնդմանը։ Միաժամանակ նա ընդգծել է, որ Թեհրանը դեմ է Կովկասում ցանկացած օտարերկրյա ռազմական ներկայության՝ այն համարելով խաղաղությանը սպառնացող վտանգ։
Թուրքիայի նախագահը նշել է, որ Անկարան շարունակական խորհրդակցություններ է անցկացնում Ադրբեջանի և Հայաստանի հետ՝ խաղաղությունը ամրապնդելու համար։
