Միամտություն է կարծել, որ Ֆրանսիան ի վիճակի է ապահովել Հայաստանի անվտանգությունը. Զախարովա

Միամտություն է կարծել, որ Ֆրանսիան պատրաստ է կամ ի վիճակի ապահովել Հայաստանի անվտանգությունը. այս մասին ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:

«Եթե Ֆրանսիան այդպիսի հնարավորություններ ունենար, նա դրանք կկիրառեր այն երկրներում, որտեղ պայմանագրային պարտավորություններ ուներ և պարտավոր էր դա անել, քանի որ դրա համար գումար էր ստանում: Խոսքն Աֆրիկայի մասին է: Ֆրանսիայի առաքելություններն աֆրիկյան երկրներում ձախողվել են: Ֆրանսիան լքել է իր դաշնակիցներին ամենակրիտիկական պահին»,- հավելել է ՌԴ ԱԳՆ ներկայացուցիչը։