Դասասենյակ՝ պատերազմում զոհված Միշա Հակոբյանի անունով

Գանձակի համար 1 միջնակարգ դպրոցում տեղի է ունեցել դասասենյակի անվանակոչության արարողություն:

Դասասենյակն այսուհետ կկրի 2020 թվականի Արցախյան 44-օրյա պատերազմում հայրենիքի պաշտպանության համար իր կյանքը զոհաբերած հերոս Միշա Արծրունու Հակոբյանի անունը, ով սովորել և ավարտել է Գանձակի համար 1 միջնակարգ դպրոցը:

Անվանակոչության արարողությանը ներկա են եղել Գեղարքունիքի մարզպետի տեղակալ Վահան Զարոյանը, մարզպետարանի ԿՄՍ վարչության պետ Կարեն Զազյանը, Գավառ խոշորացված համայնքի ներկայացուցիչներ, գանձակցիներ, հյուրեր, նահատակված հերոսի ծնողներն ու հարազատները:

Արարողության ընթացքում հնչել են հերոսին ուղղված հիշատակի և ոգեկոչման խոսքեր, դպրոցականները հանդես են եկել գրական- երաժշտական կատարումներով: