Լուկաշենկոն հայտարարել է, թե ԱՊՀ երկրները չեն կարող առանց Ռուսաստանի

Բելառուսի նախագահ Ալեքսանդր Լուկաշենկոն ԱՊՀ երկրներին կոչ է արել միասին մնալ և կարճաժամկետ օգուտներ չփնտրել՝ ընդգծելով, որ եթե Ռուսաստանը փլուզվի, ԱՊՀ մյուս բոլոր երկրները ընկնելու են այդ փոսի մեջ։

«Իրավիճակը կարող է զարգանալ այնպես, որ մեզանից որևէ մեկը՝ որպես պետությունը, չկարողանա անել առանց այս միության, և եթե մենք այսօր դա չհասկանանք, մեզ հետ կզբաղվեն առանձին, բայց եթե Ռուսաստանը փլուզվի, մենք բոլորս կընկնենք այդ փոսը»,- ԱՊՀ երկրների ներքին գործերի նախարարների հետ հանդիպմանը ասել է Լուկաշենկոն, որի խոսքերը մեջբերում է ԲԵԼՏԱգործակալությունը։

Նրա խոսքով՝ Համագործակցության տարածքում անհրաժեշտ է պահպանել միասնությունն ու համագործակցությունը։ «Վերջերս այնպիսի իրավիճակ է ստեղծվել, այդ թվում՝ կապված Ուկրաինայում ՀՌԳ-ի ընթացքի հետ, որ շատերը՝ և՛ ղեկավարները, և՛ անվտանգության պաշտոնյաները, սկսել են իրենց համար ինչ-որ օգուտ փնտրել այս հարցում, ինչը չպետք է այդպես լինի»,-նշել է Բելառուսի ղեկավարը:

Նա նշել է, որ ոմանք պատրաստ են հեռանալ Ռուսաստանի Դաշնությունից, սակայն հնարավոր է, որ ստիպված լինեն դիմել նրա օգնությանը։

«Գիտեք, տղե՛րք, իմ փորձից ելնելով կասեմ, որ կյանքն այժմ այնքան բուռն է և շատ փոփոխական։ Շատերը օգուտներ են փնտրում, այդ թվում՝ հեռանալ խորհրդային տարիներին ստեղծված մեր ընդհանուր զարգացման միտումից։ Ոմանք մտածում են. «Մենք հեռու մնանք Ռուսաստանից, նա պատժամիջոցների տակ է, մենք էլ վախենում ենք ընկնել նրանց տակ»: Մի արեք դա», - ասել է Լուկաշենկոն և հավելել. «Ով գիտի, թե ինչ կլինի մեզ, մեր պետությունների հետ վաղը, և արդյոք մենք ստիպված չենք լինի դիմել Ռուսաստանի օգնությանը։ Մենք ոչ մեկին պետք չենք, ո՛չ Ռուսաստանը, ո՛չ մենք: Մենք պետք է միասին լինենք»։