Մենք շատ ուրախ ենք, որ Ռոդրին վերադարձել է մարզումներին. Գվարդիոլան մեկնաբանել է Ռոդրիի վերադարձը

«Մանչեսթեր Սիթիի» գլխավոր մարզիչ Գվարդիոլան մեկնաբանել է Ռոդրիի վերադարձը մարզումներին։

«Մենք շատ ուրախ ենք, որ Ռոդրին վերադարձել է մարզումներին։ Այժմ պետք է զգույշ լինենք։ Երբ ֆիզիոթերապևտն ու բժիշկը հաստատեն, որ նա պատրաստ է խաղալ, նա դուրս կգա խաղադաշտ։ Բայց բժիշկները պետք է ինձ տեղեկացնեն այդ մասին»,- ասել է Գվարդիոլան մամուլի ասուլիսում։

Իսպանացի ֆուտբոլիստը խաղադաշտ դուրս չէր եկել 2024 թվականի սեպտեմբերի 22-ից՝ ԱՊԼ-ի 5-րդ տուրի «Արսենալի» հետ խաղում (2:2) ստացած աջ ծնկի առաջային խաչաձև կապանի վնասվածքից հետո։

Ռոդրին ներկայիս «Ոսկե գնդակի» դափնեկիրն է, և նրա բացակայությունը զգալիորեն ազդել է «Մանչեսթեր Սիթիի» խաղի վրա։ Առանց նրա թիմը կրել է լուրջ անկում և երկար տարիների ընթացքում առաջին անգամ դուրս է մնացել ԱՊԼ-ի չեմպիոնական մրցավազքից։ Արդյունքում՝ «քաղաքաբնակների» չորս տարի անընդմեջ պահած տիտղոսն այս տարի բաժին է հասել «Լիվերպուլին»։