Իրանը, հնարավոր է, իրեն լավ չի պահում. ԱՄՆ նախագահ

Իրանը, հնարավոր է, իրեն լավ չի պահում։ Դա հաստատված չէ, բայց եթե հաստատվի, նրանք գիտեն հետևանքները, և հետևանքները շատ լուրջ կլինեն, գուցե նույնիսկ ավելի լուրջ, քան նախորդ անգամ, հայտարարել է ԱՄՆ նախագահը Իսրայելի նախագահի հետ համատեղ ասուլիսի ժամանակ։

«Ես նրանց ընտրության հնարավորություն տվեցի։ Ես ասացի՝ կարող եք գործարք կնքել, արեք դա։ Նրանք չհավատացին ինձ։ Հիմա նրանք հավատում են ինձ», - ասել է Թրամփը։

Նա հույս է հայտնել, որ Իրանը չի փորձում կրկին զարգացնել ռազմական կարողությունները, քանի որ եթե դա անեն, ԱՄՆ-ն այլընտրանք չի ունենա, քան շատ արագ ոչնչացնել այդ կարողությունները։

«Ես լսել եմ, որ նրանք արտադրում են զենք և այլ բաներ, և եթե այդպես է, ապա նրանք չեն օգտագործում մեր կողմից ոչնչացված օբյեկտները։ Մենք ճշգրիտ գիտենք, թե որտեղ են նրանք գնում և ինչ են անում։ Հուսով եմ, որ նրանք դա չեն անում, քանի որ մենք չենք ուզում վառելիք վատնել B-2-ով 37 ժամ տևողությամբ երկկողմանի թռիչքի վրա», - նշել է ԱՄՆ նախագահը։