Ալիևը Բլինքենին տեղեկացրել է Հայաստանի և Ադրբեջանի ԱԳ նախարարների առաջիկա հանդիպման մասին
- Investigative journalist
- Apr 29, 2024
- 1 min read
Ադրբեջանի նախագահ Իլհամ Ալիևն ԱՄՆ պետքարտուղար Էնթոնի Բլինքենի հետ հեռախոսազրույցի ընթացքում տեղեկացրել է ՀՀ և Ադրբեջանի ԱԳ նախարարների՝ Ղազախստանում կայանալիք հանդիպման մասին։
«Ալիևը հայտնել է, որ ղազախական կողմի առաջարկով Ալմաթիում կհանդիպեն Հայաստանի և Ադրբեջանի արտգործնախարարները՝ շարունակելու խաղաղության պայմանագրի շուրջ բանակցությունները»,- գրում են ադրբեջանական լրատվամիջոցները՝ վկայակոչելով Ալիևի մամուլի ծառայությանը։
Հիշեցնենք, որ Ղազախստանը՝ որպես խաղաղ բանակցությունների հարթակ օգտագործելու առաջարկով հանդես էր եկել Ղազախստանի նախագահ Կասիմ-Ժոմարտ Տոկաևը՝ ապրիլի 15-ին Երևան կատարած այցի ժամանակ։
