Ալիևն ու Էրդողանը քննարկել են միջազգային և տարածաշրջանային հարցեր
- Investigative journalist
- Jun 10, 2024
- 1 min read
Հունիսի 10-ին Անկարայում տեղի է ունեցել Ադրբեջանի Հանրապետության նախագահ Իլհամ Ալիևի և Թուրքիայի Հանրապետության նախագահ Ռեջեփ Թայիփ Էրդողանի դեմ առ դեմ հանդիպումը։
Ինչպես հաղորդում են ադրբեջանական լրատվականները, հանդիպմանը քննարկել են երկրների միջև էներգետիկ, տրանսպորտային, տնտեսական և առևտրային կապերի ընդլայնման, պաշտպանական, ռազմարդյունաբերական և այլ ոլորտներում համագործակցության հարցեր։
Նշվել է Բաքու-Թբիլիսի-Կարս երկաթուղու հնարավորությունների ընդլայնումը, ընդգծվել է երկու երկրների համատեղ գործունեության կարևորությունը Միջին միջանցքի զարգացման գործում։
Ալիևը հերթական անգամ Թուրքիայի նախագահին հրավիրել է COP29, որին և Էրդողանը գոհունակությամբ է ընդունել։
Հանդիպմանը մտքերի փոխանակություն է տեղի ունեցել տարածաշրջանային և միջազգային հարցերի շուրջ։
