Ռուբեն Վարդանյանի ծննդյան օրն է

Այսօր հայտնի գործարար, բարերար, Արցախի նախկին պետնախարար Ռուբեն Վարդանյանի ծննդյան օրն է։ Այսօր նա դառնում է 56 տարեկան։Ֆեյսբուքյան հայկական տիրությթում այսօր շատ օգտատերեր՝ նրա կուսակից ընկերներ, հասարակական ու մշակութային գործիչներ հիշել ու հեռակա շնորհավորել են նրան։2023 թվականի սեպտեմբերի 27-ին Ադրբեջանը Արցախի տարածքից առևանգել է Ռուբեն Վարդանյանին, և այդ պահից նա գերու կարգավիճակով պահվում է Բաքվում։Չնայած ընտանիքի կողմից հնչեցրած միջազգային հանրությանն ուղղված ահազանգերին՝ Բաքվի ռեժիմն ազատ չի արձակում Վարդանյանին ու Արցախի ռազմաքաղաքական ղեկավարության ներկայացուցիչներին։

Ռուբեն Վարդանյանը «Հայաստանի զարգացման նախաձեռնություններ» (Initiatives for Development of Armenia, IDeA) հիմնադրամի[13] համահիմնադիրն է, որի գործունեությունն ուղղված է Հայաստանի զարգացման երկարաժամկետ նախագծերի իրականացմանը։Վարդանյանի և իր գործընկերների կողմից 2010 թվականին աշխարհի ամենաերկար հետադարձելի ճոպանուղու՝ «ՏաԹևեր»-ի կառուցումը «Տաթևի վերածնունդ» ծրագրի մի մասն է։ Ծրագիրը նախատեսում է Տաթևի վանական համալիրի վերականգնում և տեղական համայնքների զարգացում (աշխատատեղերի ստեղծում, համայնքներում գործարարության աջակցություն և տեղի բնակչության կենսամակարդակի բարձրացում։

Ռուբեն Վարդանյանը նախաձեռնել է «Տաթևի վերածնունդ» ծրագիրը 2008 թվականին։ Ծրագրին աջակցել է 161 գործընկեր՝ 18 երկրներից։2015 թվականի մարտին Նյու-Յորքում հայտարարվեց 100 LIVES համաշխարհային նախագծի մեկնարկի մասին, որը նվիրված էր Հայոց ցեղասպանության[18] 100-ամյակին և սկիզբ դրեց «Ավրորա» մարդասիրական նախաձեռնությանը։ Հիմնադիրների՝ Ռուբեն Վարդանյանի, ամերիկացի բարերար և վենչուրային ներդրող Նուբար Աֆեյանի ու Նյու Յորքի Կարնեգի կորպորացիայի նախագահ Վարդան Գրեգորյանի մտահղացմամբ՝ նախաձեռնության նպատակն է հարյուր տարի անց մարդկության ուշադրությունը հրավիրել այն անձանց գործունեությանն, ովքեր այսօր օգնում են աղետալի վիճակում հայտնված մարդկանց՝ ի երախտագիտություն նրանց, ովքեր ժամանակին օգնել են փրկվել հայերին։ Այս նախագիծը ստացել է 200 գործընկերների աջակցություն։