Էլեկտրոնային ստորագրություն ունենալը միակ տարբերակն է աշխատող դառնալու համար. Ժորա Սարգսյան
- Investigative journalist
- 1 day ago
- 1 min read
Այսուհետ աշխատանքի ընդունվելիս պետք է աշխատողը ստորագրի պայմանագիրը և պետք է այն ստորագրի էլեկտրոնային եղանակով: Այս կարգավորումը 2026 թվականից պարտադիր կդառնա բոլորի համար:
Ըստ այդմ՝ նրանք, ովքեր եկամուտների հայտարարագրում են արել և ունեն էլեկտրոնային ստորագրություն, աշխատանքային հարաբերությունների դաշտում նորից պետք է պայմանագիրը ստորագրեն: Այդ մասին ասուլիսի ժամանակ ասաց ՀՀ աշխատանքի և սոցիալական հարցերի նախարարության աշխատանքի և զբաղվածության վարչության պետ Ժորա Սարգսյանը:
Էլեկտրոնային ստորագրությունն ունենալը կարևոր է այն քաղաքացիների համար, որոնք նոր են ընդունվելու աշխատանքի, և այն քաղաքացների համար, որոնք արդեն ընդունված են աշխատանքի:
Նրանք, ովքեր արդեն իսկ ունեն էլեկտրոնային ստորագրություն, նրանց համար դա ավելի հեշտ կլինի, իսկ նրանք, ովքեր չունեն, մտածում են, որ ակտիվ են աշխատաշուկայում, բայց վաղը, օրինակ, պետք է աշխատեն, թող օր առաջ դիմեն էլեկտրոնային ստորագրություն ձեռք բերելու համար, որովհետև երբ արդեն գա պահը, որ իրենք ուզում են աշխատեն, միգուցե ստորագրություն չունենալը խոչընդոտի պայմանագիր կնքելը»,- ասաց նա:
