Իրանը հայտարարել է Նեթանյահուի գրասենյակի վրա գրոհի մասին
- 2 hours ago
- 1 min read
Իրանն արդեն երեք անգամ գնդակոծել է Իսրայելի գլխավոր շտաբի շենքը և մեկ անգամ հարձակվել է Իսրայելի վարչապետ Բենիամին Նեթանյահուի գրասենյակներից մեկի վրա: Նման պնդմամբ հանդես է եկել Իսլամական հեղափոխության պահապանների կորպուսի (ԻՀՊԿ, Իսլամական Հանրապետության զինված ուժերի էլիտար ստորաբաժանում) հրամանատարի խորհրդական Համիդռեզա Մողադամֆարը:
«Վերջին մի քանի օրվա ընթացքում Իրանը երեք անգամ հարվածել է Իսրայելի գլխավոր շտաբի շենքին: Մենք նաև հարձակվել ենք Նեթանյահուի գրասենյակներից մեկի վրա՝ սպանելով նրա գրասենյակի մի քանի բարձրաստիճան անդամների»,- ասել է իրանցի պաշտոնյան, որի խոսքերը մեջբերում է կատարյան Al Jazeera հեռուստաալիքը:
