2026 թվականը մեկնարկում է ձեռք բերված խաղաղության պայմաններում, թող այն լինի կայուն և ամուր. Մանավազյան

«Քաղաքացիական պայմանագիր» խմբակցության պատգամավոր Արուսյակ Մանավազյանը «Ֆեյսբուք»-ի իր էջում գրառում է կատարել՝ ամփոփելով 2025 թվականը:

«Սիրելի՛ հայրենակիցներ, անցնող տարին մեզ բերեց խաղաղություն, և 2026 թվականը մեկնարկում է արդեն իսկ ձեռք բերված խաղաղության պայմաններում։

Սա հնարավորություն է՝ վերջապես մեր մտքերն ու ծրագրերը հեռացնելու մշտական վտանգների ու պատերազմի սպասումից և կենտրոնանալու այն ապագայի վրա, որը կերտվում է այսօր, վաղը և շարունակաբար։

Թող այս խաղաղությունը լինի կայուն և ամուր։ Բոլորիդ մաղթում եմ ուրախություն, երջանկություն և առողջություն։ Թող Նոր տարին բերի հույս, վստահություն և հաջողություն։

Շնորհավոր Ամանոր և Սուրբ Ծնունդ»,- գրել է նա: