Քիմ Քարդաշյանը գաղտնի գնել է իր հանգուցյալ հոր Աստվածաշունչը 80,276 դոլարով

Քիմ Քարդաշյանը «Քարդաշյանները» սերիալի վերջին դրվագում ներկայացրել է հուզիչ պահ. նա ստացել է իր հոր՝ Ռոբերտ Քարդաշյանի Աստվածաշունչը պարունակող փաթեթ և պատմել դրա մասին իր կրտսեր դստերը՝ Չիկագոյին։

«Դու չես հավատա, թե ինչ է սա, և քեզ համար դեռ միևնույն է, բայց ժամանակի ընթացքում կհասկանաս», - ասել է Քիմը 7-ամյա Չիկագոյին։

Goldin Auctions-ի կողմից աճուրդի հանված Աստվածաշունչը ներկայացվել է որպես «Ռոբերտ Քարդաշյանի ստորագրությամբ Աստվածաշունչ՝  նվիրաբերված Օ.Ջ. Սիմփսոնին»։ «Ես կարծում էի, որ դա հայրիկիս կողմից Օ.Ջ.-ին տրված Աստվածաշունչն է, բայց պարզվեց, որ այն իրենն է՝ իր անունով», - ասել է Քիմը։ «Այսինքն, հայրիկս այն նվիրել է իր լավագույն ընկերոջը»։ Քարդաշյանը խոստովանել է, որ աճուրդին մասնակցել է կեղծանվամբ, որպեսզի ոչ ոք չիմանա, որ ինքն է խաղադրույք անում։ Ի վերջո, Աստվածաշունչը վաճառվել է 80,276 դոլարով։ Թեև Քիմը ուրախ է, որ վերջապես ձեռք է բերել ընտանեկան իրը, նա պլանավորում է այն տալ քրոջը՝ Քլոեին, ով առաջինն էր պատմել նրան աճուրդի մասին։

Հիշեցնենք, որ Ռոբերտ Քարդաշյանը մահացել է 2003 թվականին կերակրափողի քաղցկեղից, իսկ Աստվածաշունչը նա նվիրել է Սիմփսոնին 1994 թվականի հունիսին։ Ռոբերտը Օ.Ջեյի պաշտպանական թիմի անդամ էր բարձր մակարդակի դատավարության ժամանակ, որի արդյունքում Սիմփսոնը անմեղ ճանաչվեց իր նախկին կնոջ և նրա ընկերոջ սպանության մեջ։

Օ.Ջեյ Սիմփսոնը մահացել է 2024 թվականի ապրիլին՝ 76 տարեկան հասակում։