Ո՞վ Ազգային ժողովում կփոխարինի Արսեն Թորոսյանին

Քիչ առաջ հայտնի դարձավ, որ ԱԺ «Քաղաքացիական պայմանագիր» խմբակցության անդամ Արսեն Թորոսյանը վայր է դրել պատգամավորական մանդատը։

«Քաղաքացիական պայմանագրի» ցուցակով հաջորդը պետք է խորհրդարան գնա Էսթեր Այվազյանը, եթե նա ինքնաբացարկ չհայտնի։

Հավելենք, որ Արսեն Թորոսյանի մանդատը վայր դնելուց հետո թափուր է մնում նաև ԱԺ Առողջապահության հարցերի մշտական հանձնաժողովի նախագահի պաշտոնը։

Ըստ մամուլում տարածված տեղեկությունների՝ Թորոսյանը կնշանակվի Աշխատանքի և սոցիալական հարցերի նախարար, իսկ Նարեկ Մկրտչյանը՝ ԱՄՆ-ում ՀՀ դեսպան։