«Mercedes-Benz S 600» մակարդակի բան կառուցելու համար պետք է «Запорожец» կառուցելու փորձ ունենանք. իդեալի ձգտումը երբեմն բերում է անգործության. Փաշինյան
- Investigative journalist
- 2 hours ago
- 1 min read
Առողջության համընդհանուր ապահովագրության համակարգը 2024 թվականի հուլիսի 1-ից էր նախատեսվում ներդնել, քննարկեցինք, քննարկեցինք, հասկացանք, որ պատրաստ չենք, հետո հետաձգեցինք մինչև 2025 թվականի հունվարի 1-ը: Հետո նորից քննարկեցինք, քննարեցինք, հասկացանք՝ էլի պատրաստ չենք: Հասկացանք, որ երբեք էլ պատրաստ չենք լինելու: Այս մասին Կառավարության 2025 թվականի վերջին նիստի ժամանակ ասաց վարչապետ Նիկոլ Փաշինյանը:
«Մեր իրականության մեջ բան կա, որ ուզում ենք իդեալական պատրաստ լինենք, ունենանք «Mercedes-Benz S 600» մակարդակի մի բան, բայց հաշվի չենք առնում, որ S 600 մակարդակի բան կառուցելու համար պետք է «Запорожец» կառուցելու փորձ ունենանք: Այդպես չի լինում, որ միանգամից այդ կետից սկսենք»,-նշեց է նա:
Ըստ վարչապետի՝ իդեալի ձգտումը երբեմն բերում է անգործության, և միֆերի մեջ չընկնելու համար պետք է դրանից հրաժարվել:
«Սիրելի՛ 1,600,000 հայրենակիցներ, խնդրում ենք 2026 թվականի հունվարի 1-ից առողջապահական հիմնարկներ չգրոհել: Հիվանդանալն ուրիշ խնդիր է, որովհետև գրոհը հիվանդության մասին չէ: Մեր առողջապահական ապահովագրության համակարգը ստուգումների մասին է, դա ճիշտ ճանապարհ է, բայց էլի եմ ասում, պետք չէ հունվարի 1-ից գրոհ ձեռնարկել բժշկական հիմնարկների վրա, որովհետև ո՛չ հիվանդանոցներն են փախչելու, ո՛չ կառավարությունը»,-հավելել է Փաշինյանը՝ խոսելով ներդրվելիք համակարգի մասին:
