Զելենսկի․ «Մենք գիտենք, թե ինչ է անհրաժեշտ, որպեսզի Ռուսաստանը չկատարի երրորդ ներխուժումը»

Մոտ օրերս խորհրդակցություններ կլինեն մեր գործընկերների հետ՝ պատերազմի ավարտի համար անհրաժեշտ քայլերի շուրջ։ Ես ստորագրել եմ Ուկրաինայի պատվիրակության կազմի մասին հրամանագիր, հաստատել բոլոր համապատասխան հրահանգները։ Այս մասին հայտնել է Ուկրաինայի նախագահ Վլադիմիր Զելենսկին։

«Մեր ներկայացուցիչները գիտեն, թե ինչպես պաշտպանել Ուկրաինայի ազգային շահերը և ինչ է անհրաժեշտ, որպեսզի Ռուսաստանը չկատարի երրորդ ներխուժումը, չհասցնի ևս մեկ հարված Ուկրաինային՝ ինչպես նախկինում կրկնում էր հանցագործությունները մեր ժողովրդի և այլ ժողովուրդների դեմ։

Այժմ խոսքը վերաբերում է շատ ավելի մեծ բանի, քան այս կամ այն փաստաթղթի որևէ կետն է։ Պետք է այնպես անել, որ Եվրոպայում և աշխարհում ոչ մի տեղ չտիրի այն սկզբունքը, թե մարդկության, պետությունների և ժողովուրդների դեմ հանցագործությունները կարող են որևէ կերպ վարձատրվել կամ ներվել։ Իրական խաղաղությունը միշտ հիմնված է երաշխավորված անվտանգության և արդարության վրա։ Եվ այս զգացումը միայն իմը չէ․ ես գիտեմ, որ սա մեր միլիոնավոր մարդկանց և աշխարհի մեծամասնության զգացումն է», – գրել է Զելենսկին։